★ســبــق آمـــوز کــہـــانــیـــاں★
سترپوشی
ایک عرب شخص کا کہنا تھا کہ“مجھے زندگی میں کسی نے لا جواب نہیں کیا سوائے ایک باندی کے جس نے ایک ڈھانپا ہوا تھال اٹھا رکھا تھا ”..
میں نے اس سے پوچھا: تھال میں کیا چیز ہے ؟؟
وہ بولی: اگر یہ بتانا ہوتا تو پھر ڈھانپنے کی کیا ضرورت تھی ؟
پس اس نے مجھے شرمندہ کر ڈالا...
یہ ایک دن کا حکیمانہ قول نہیں بلکہ ساری زندگی کے لیے دانائی کی بات ہے:
“ کوئی بھی چیز جو چھپی ہوئی ہو اس کے انکشاف کی کوشش نہ کرو.”
اللہ رب العزت دنیا اور آخرت میں ہماری اور آپ کی سترپوشی فرمائے...
کسی بھی شخص کا دوسرا چہرہ تلاش کرنے کی کوشش نہ کرو.. خواہ تم کو یقین ہو کہ وہ بُرا ہے.. یہ ہی کافی ہے کہ اس نے تمہارا احترام کیا اور اپنا بہتر چہرہ تمہارے سامنے پیش کیا، بس اسی پر اکتفا کرو... ہم میں سے ہر کسی کا ایک برا رُخ ہوتا ہے جس کو وہ خود اپنے آپ سے بھی چھپاتا ہے ..